Kao i prethodnih godina, djeca su sa svojim učiteljicama i vaspitačicama, u okviru Međunarodnog projekta ENOArt “Light for EVERYBODY”, izradila lampione. U petak, 29. novembra, u 17:30 h, upalili smo, sada već tradicionalno, lampione u holu naše škole. U projektu su učestvovali učenici I-2, I-3, I-4, II-1, II-3 i učenice VI razreda sa učiteljicama Maricom Bijelić, Budimirkom Veseli, Vesnom Vasović, Vanjom Đurović, Bojanom Pejović i vaspitačicama Anom Petrušić i Vericom Kovačević. Učenici su pokazali kreativnost oslikavajući i praveći lampione. Na taj način poslali su poruku o važnosti očuvanja naše planete. Upalili smo lampione i poslali još jednu važnu poruku mira i prijateljstva.
